புயலால் ரயில் போக்குவரத்து நிறுத்தம் - தெற்கு ரயில்வே அறிவிப்பு

தீவிர மழை காரணமாக ஏற்கனவே பல மாவட்டங்களில் பேருந்து போக்குவரத்து நிறுத்தப்பட்டுள்ளது. இந்நிலையில் தென் தமிழகத்திற்கு செல்லக்கூடிய ரயில் போக்குவரத்தும் நிறுத்தப்படுவதாக தெற்கு ரயில்வே அறிவித்துள்ளது. 

தென் மாவட்டங்களுக்குச் செல்லும் அனைத்து ரயில்களும் ரத்து செய்யப்பட்டுள்ளது. 




சென்னை எக்மோரில் இருந்து இரு மார்க்கத்திலும் இயக்கப்படும் 24 ரயில்கள் நாளை ரத்து செய்யப்படுவதாக தென்னக ரயில்வே அறிவித்துள்ளது.

நாளை மாலை அதி தீவிர புயலாக மாறி நிவர் கரையைக் கடக்கும் என்று அறிவிக்கப்பட்டுள்ளது. வடதமிழகத்தில் மழை வெளுத்து வாங்கும் நிலையில் திருச்சி, புதுக்கோட்டை, பெரம்பலூர் மாவட்டங்களிலும் கனமழைக்கு வாய்ப்புள்ளது என்று வானிலை ஆய்வு மையம் தெரிவிக்கிறது.

சென்னை மாநகராட்சியில் புயலின் தாக்கம் தொடர்பாக தொடர்பு கொள்ள கொடுக்கப்பட்டுள்ள புதிய எண் - 1913 

கருத்துரையிடுக

0 கருத்துகள்